第一次私家產檢 17 May 2017 (6 weeks)

Bingo後，第一時間book私家產檢

產檢醫生由朋友介紹，朋友係該診所嘅姑娘

亦喺婦產界打滾咗幾年，話依個醫生係佢跟過最好嘅

細心、耐心，亦會詳細解釋比client聽

而婚前嘅婦科檢查，我都係搵依個醫生

要知道醫生唔難搵，但搵一個好嘅醫生就難啦

所以口碑好梗要

3 May 知道Bingo

17 May 產檢

我自己計，當時以為有咗4週

但原來預產期同週數係由上一次M期嘅第一日開始計

所以從醫學角度，原來已經6週啦

由於早期懷孕，照超聲波要膀胱脹脹地

即有水份，有尿急嘅情況下先照到

所以上到診所，姑娘就叫我唔好去廁所，飲啲水

坐咗陣，入得去見醫生，先問症後照超聲波

當時只得胎囊，1.79cm大

亦見到傳說中嘅閃閃，即BB心跳

可惜，醫生同胡生都見到，但我就睇唔到

好多人話媽媽第一次見到BB都會好感動

但我諗我係例外嘅一個，無反應

反而我見到胡生有啲感動

產檢後，同胡生食lunch，然後返屋企眠一眠

無計，大肚婆好易攰，成日要瞓覺