自費照結構 (21 weeks)

因為政府醫院無offer我照結構，我要自費到私家診所照

而自己嘅私家醫生無做照結構檢查

refer咗我到另一個醫生到照

當日胡生放假，陪我去產檢

我哋約咗1130，1145到，結果足足等咗一個鐘姑娘先叫我入房

但入到房仲要等多15分鐘先見到醫生

等到我同胡生又餓又凍

可能醫生太忙，一入嚟乜都無講就幫我照

不過照得好仔細，眼、耳、口、鼻、

手、腳、心、肝、肺、腎...

照照下，阿囡又舉起隻手同啜手指

隻腳仔又不停咁郁，要照咗其他part先返轉頭再照

但阿囡郁得太利害，最後醫生要cap screen先數到腳趾

醫生話阿囡肚圍細咗一週，腳長大咗一週

然後醫生望一望我：「即係似你囉，腳長，無肚腩」

我同胡生聽到，大笑咗

好彩阿囡暫時好多嘢都似我，希望係名靚女

醫生仲show咗阿囡嘅正面比我睇

但得2D，我完全睇唔明，而且有啲失望

因為好多同事都有得睇3D，甚至4D

但我陀咁耐，完全無見過阿囡個正面樣

遲啲要搵個有3D嘅私家醫生照先得

綜合晒所有outlook、體重，阿囡屬M size B

暫時重14oz，未夠1 lb，一切正常

照完有幾十張print out相同一隻DVD攞返