第四次私家產檢 31 Jul 2017 (17 weeks)

-
隔咗兩星期，我又到私家產檢
好似密咗少少，無計啦
打算8月先開始返工，請咗SL，要攞Dr. Cert嘛

今次胡生要返工，由媽咪陪我去產檢
又係約咗下晝做check，又係等咗1個鐘先入得去見醫生

阿囡喺我肚到，好食好住好健康
而我嘅體重亦開始增加
頭3個月都係徘徊52.8kg-53.2kg之間
但今次一上磅55.2kg，足足重咗2kg
希望只係肥咗喺阿囡到，而唔係我到

另外，一直以為孕婦有便秘好正常
但原來醫生話我可能係因為太多鈣質而導致便秘
建議我由每日食一粒鈣丸轉到隔日先食一粒
只要無抽筋、無流牙血、鼻血就無問題

留言

張貼留言

這個網誌中的熱門文章

十個媽媽 · 十個媽媽都會成功 之 Power Pumping 有效追奶法

-
圖片
自從復工後，奶量就不斷減少 由6 oz變3 oz，由3 oz 變2 oz 最近仲由2 oz變30 ml 而Period期間，奶量就更少 雖然減產後，一直抱住餵得幾耐得幾耐嘅心態 但眼見奶量跌到近乎零嘅時候 心情真係down down down 我嘅人奶路目標非常清晰 希望持續母乳餵哺至胡小姐2歲 因此我親住自己有長假期，便展開一連7日嘅追奶路 上網睇過不少追奶或上奶方法 例如：飲黑豆水、黑豆漿、木瓜魚湯 食白飯、花生、黑芝蔴或其他上奶食物 不過效果都係因人而異，不同體質有不同效果 暫時我覺得最有效，而且任何人都一定會成功嘅方法 就係刺激乳房 多刺激乳房，讓身體製造更多奶水 刺激乳房 之 增奶方法： 1)增加埋身餵哺次數 2)增加泵奶次數 3)Power Pumping增奶法 交代少少背景先 胡小姐已經一歲，加咗兩餐固體 每日飲3次奶，早、午、晚，三餐 而我，需要輪班工作，工作及休息時間唔穩定 以我嘅情況，我無可能做到方法1及2 故此，我只能用Power Pumping 什麼是Power Pumping？ 不斷頻繁泵奶，令乳房接收大量短而密集嘅刺激訊息 模仿BB吸吮，製造假像，令大腦從而分泌更多母乳 Power Pumping 有3個不同頻率泵奶方法： 1) 泵20分鐘 休息10分鐘 泵10分鐘 休息10分鐘 泵10分鐘 完 2) 泵10分鐘 休息10分鐘 泵10分鐘 休息10分鐘 泵10分鐘 完 3) 泵5分鐘 休息3分鐘 泵10分鐘 休息3分鐘 泵5分鐘 完 *資料來源：職場奶媽攻略 Catherine Chow著 建議一日至少做4次，但我因為工作關係 每日只能在固定時間做1次 而我採用咗Power Pumping 嘅方法2 方便又易操控 由於胡小姐已戒夜奶（偶然半夜醒咗都要食奶） 因此我選擇凌晨兩點做Power Pumping  因為懶，半夜起身，直接泵入奶袋 泵完只清潔奶泵就可以了 Day 1 奶量只有幾滴 Day 2 增加了少許 Day 3 再增加了少許 Day 4 - Day 7 每日都...
閱讀完整內容

我要做model 之 我的第二輯女神孕照 (36 weeks)

-
圖片
早前參加咗孕媽媽招募活動，有幸被選中做孕媽媽model 拍攝當日，已經懷有36週 個肚比之前大咗好多，拍攝效果好好 幸好個人仲未好腫，仲可以喺卸貨前，拍攝多一輯女神孕照 Studio位於牛頭角，超近我住嘅地方，超方便我 而今次嘅孕照，主要影我多啲，因為胡生唔多想影 最後只係客串咗幾張相 當日準備咗3套服裝比我，化好妝就進行拍攝 白色lace see-through長裙，若隱若現 性感得嚟又唔太暴露 黑色一字膊長裙，超特別 加埋皇冠，直頭成個女皇咁 湖水藍長簿紗配上粉色花環，超女神 特別要求攝影師影阿囡嘅超聲波照 上次孕照唔記得影，今次點都要補返數 影完相當晚，佢哋嘅facebook fans page已經upload咗我嘅孕照 超efficiency
閱讀完整內容

全母乳餵哺 之 結束歷時3個月的黃疸症

-
圖片
阿女出院當日，姑娘話BB一切正常，無黃疸 我就一直大安旨意，以為阿女唔會有黃疸 但原來黃疸一般喺BB出世第3日後出現 我約咗阿女出院第二日(即係出世第5日)去健康院磅重、洗臍帶 當日陪月望到阿女面色，已經話佢塊面黃 初時我都唔相信 直至姑娘check阿女心口，話佢黃疸指數偏高，我先相信 而且體重仲輕過出院，跌咗0.01kg 等見醫生嘅時候，我個腦一片空白，完全唔知點做 食奶前指數：252，食奶後：23x 由於我係全人奶餵哺，醫生話阿女黃疸指數偏高可以考慮補奶粉 一直希望以全母乳餵哺，唔想阿女食奶粉 我個腦再次一片空白 返到屋企，胡生即刻問人邊隻奶粉好 想比阿女食，亦9秒9買咗返嚟 而我問咗幾位全母乳餵哺嘅媽媽，佢哋都經歷過依個階段 吸收咗佢哋嘅經驗，我堅持餵母乳，唔補奶粉 陪月知道我嘅想法後，燉湯比我補身，再煲上奶湯我飲 亦叫我準時餵阿女食奶，即使阿女瞓咗都要叫醒佢食 經過一星期，日以繼夜，夜以繼日 無間斷，餵奶、掃風、換片，無限輪迴 阿女嘅黃疸指數由23x，跌到166 醫生話黃疸指數合格，唔洗覆診，一個月先返嚟打針 塊面都無之前咁黃 當唐覺得自己無白費心機，嗰個星期真係堅辛苦 加加埋埋每晚瞓唔夠6個鐘，每兩個鐘餵一次奶 兩個鐘係由食嗰刻開始計，半個鐘食奶 10-15分鐘掃風、換片，5-10分鐘喚醒寶寶 所以計計埋埋，個零鐘又要無限loop 因為阿女鐘意瞓覺多過食，加上黃疸指數已經合格 所以我不定時餵奶，等佢肚餓先比佢食 點知滿月嗰時再返健康院，黃疸指數：155 原來阿女仲未退黃，醫生就寫紙佢返QE抽血 上次醫生講到唔清唔楚 話阿女黃疸指數合格，唔洗返去覆診 令我誤以為阿女已經退咗黃 嗰刻嘅心情真係跌到落谷底 原來黃疸指數over 300為之超標 Under 180叫合格，under 70叫退黃 但當時醫生完全無話我聽 由於阿女未退黃，我又要好似之前咁 兩個鐘頭餵一次奶，食得多屙得多先快退黃 因為有黃疸嘅B鐘意瞓覺，好多時阿女食食下瞓著 叫佢又唔醒，嗰下真係令我好忟好焦急 返QE抽血前，胡生幫阿女申請咗公務員家屬身份 咁阿女就可以...
閱讀完整內容