百無禁忌 之 陀B搬家去 (33 weeks)

中國人傳統，大肚婆不宜搬家、安床、鑽牆

但以上嘅嘢，我通通都做齊

生產後，阿囡將會交由媽咪湊

而我同胡生都返shift，開頭我打算放假先接返阿囡返嚟

但胡生就想每日放工都可以見到阿囡

深思熟慮後，我哋決定搬近媽咪

決定搬家後，我同胡生開始睇樓

用咗兩星期就物色到一個價錢合理嘅兩房單位

住正媽咪隔離座，超方便

新屋細原先住嗰到好多，大屋搬細屋

但為咗阿囡，無辦法，暫住先

雖然我哋傢私唔多，但有好多雜物

搬家前都pack到一袋二袋，衣物、廚具、飾物等

因為爸爸識人，所以搬家都係自己搬，無請搬屋公司

至於安床、鑽牆嘅時候，媽咪就叫我避席

免得過都唔好在場

搬家第一日，狗狗明顯好驚，就算我抱住佢

佢都不停喺咁震，但好快佢就適應新家嘅環境

一切settle好，接下來，我哋就靜待阿囡嘅來臨