家有喜事 之 給胡生的Pregnancy Announcement

當時人在外地，打算返到香港先告知胡生

但點話佢聽好呢？同佢講：

「我有咗呀！」

「你做爸爸啦！」

好似有啲奇怪

於是我花花心思，預備咗份小驚喜比佢

萬事俱備，只欠心意咭

我打算返到香港，喺胡生返到屋企前準備埋

然後放喺枕頭底，等胡生臨瞓前收到依份驚喜

誰知回港當日，胡生喺我返梗屋企途中話佢已經放工，返梗屋企

OMG，胡生實快過我返到去，我點準備？

返到屋企，胡生已到家

我就扮執行李，其實將份禮物靜悄悄地運入洗手間

寫埋心意咭，再用驗孕棒驗多次

由於我家有個超open嘅習慣

沖涼、上廁所都唔關門，最多都係半開
而以上嘅嘢，我都要喺廁所進行

所以行動一定要超小心

一切準備好，我叫胡生坐定定，然後送出禮物

由於禮物包內有數件禮物，我叫胡生先取出最細件

由細至大，一件件咁攞出嚟

當胡生取出BB襪仔，已經估到

而佢嘅反應比我預期冷靜

哼，都唔好玩嘅！

另外，胡生知道我有喜後

第一件事係諗，一段時間無得曳曳

真係令我反晒白眼